Bu məsələdə önəmli olan mənim Ukrayna Prezidenti kimi bu planı görüb-görməməyimdir. Xeyr. Məncə, bu, bütün sualların cavabıdır.

Axar.az xəbər verir ki, bunu Ukrayna Prezidenti Vladimir Zelenski Ukrayna və Avropanın artıq müharibəyə son qoymaq üçün 12 bəndlik sülh planı hazırladığı iddialarına cavab verərkən deyib.

“Avropanın müxtəlif fikirləri və sülh yolu ilə nizamlanma təklifləri var. İndiyə qədər heç kim - nə ABŞ prezidenti, nə də heç bir Avropa ölkəsi - rusları danışıqlar masası arxasına oturmağa məcbur edə bilməyib”, - Zelenski söyləyib.

O əlavə edib ki, hazırda Ukraynada müharibənin mümkün həlli ilə bağlı müşavirlərlə məsləhətləşmələr davam edir:

"Bir neçə fərqli söhbət gedir. Hələlik masada dəqiq, hazır plan yoxdur. Plan hazır olanda mən onu ciddi qəbul edərdim. Sonra təbii ki, biz avropalılarla paylaşacağıq - onlar öz baxışlarını bölüşəcəklər, biz də öz baxışlarımızı göstərəcəyik. Yeri gəlmişkən, bizim baxışlarımız yeni deyil”.