Qərb ölkələri Rusiyaya strateji məğlubiyyət vermək istəklərindən getdikcə daha çox danışırlar.

Axar.az Teleqraf-a istinadən xəbər verir ki, bunu Rusiya Prezidenti Vladimir Putin deyib.

"İndi getdikcə daha tez-tez “Rusiyanın müstəmləkəsizləşdirilməsi”ndən, əslində isə Rusiya Federasiyasının parçalanmasından və bizə bədnam strateji məğlubiyyətin verilməsindən danışırlar”, - Putin bildirib.

Putin əlavə edib ki, Qərb əsrlər boyu öz məqsədinə nail ola bilməyib.

Rusiya lideri həmçinin bəyan edib ki, xaricdən gələn təxribatçılar Rusiya xalqının birliyini pozmaq üçün əllərindən gələni edirlər. O, Rusiya Federasiyası vətəndaşları arasında təxribatların və nifaq salmaq cəhdlərinin dayandırılmasının vacibliyini vurğulayıb.