Mənim CHP-yə qarşı fikirlərim dəyişmədi və dəyişməyəcək də. Hələ də CHP-çi bəzi millət vəkillərinin anormal çıxışları davam edir.

Axar.az xəbər verir ki, bu sözləri Ankaranın Bələdiyyə sədri Məlih Göyçək televiziya proqramlarından birində çıxışı zamanı bildirib.

"Hörmətli Kılıçdaroğlu çevrilişin qarşısında dayandı və ilk dəfə FETÖ dedi. Bu ortaq nöqtədə birlikdə olub, o inciklikləri unudacağıq. Siyasi mübarizəmizə yenə davam edirik. İlk gündən bəri diqqət etməyə çalışdım. Bu ölkə batarsa, onlar da batar, biz də. FETÖ gəlsəydi, ona müxalif olanları da təmizləyərdi. CHP Ankarada mitinq keçirərsə və dəvət edərlərsə, gedərəm", - Göyçək qeyd edib.