Rusiya bu il 120 minə qədər ucuz və dağıdıcı aviasiya bombası istehsal etməyi planlaşdırır.

Axar.az xəbər verir ki, bu barədə “Röyters” Ukraynanın Hərbi Kəşfiyyat İdarəsinin rəhbər müavini, general-mayor Vadim Skibitskiyə istinadən məlumat yayıb.

Nəşr qeyd edir ki, işğalçı ölkə bu ilin sonuna qədər 200 km mənzilli yeni modifikasiyalı 500 ədəd sursat istehsal etməyi planlaşdırır:

“Ümumilikdə, Rusiya 2022-ci ildə Ukraynaya qarşı genişmiqyaslı işğaldan sonra silah istehsalını əhəmiyyətli dərəcədə artırıb və hazırda onun müdafiə zavodları gecə-gündüz işləyir. Lakin hərbi istehsalın detalları açıqlanmır və gizli saxlanılır.

2025-ci il ərzində işğalçı ölkədə neçə aviasiya bombasının istehsal ediləcəyini yoxlamaq mümkün deyil”.