Rusiyanın oktyabrın 21-də sınaqdan keçirilən "Burevestnik" qitələrarası qanadlı raketi NATO-da ciddi narahatlıq yaradır.

Axar.az xəbər verir ki, bu barədə “Avronyus” alyansın məxfi sənədinə istinadən məlumat yayıb.

"Mövcud problemlər raketi həddindən artıq uzaq məsafəsi və manevr qabiliyyəti ilə daha da ağırlaşacaq",- məlumatda deyilib.

NATO sənədlərində qeyd olunub ki, bu silah alyansın müdafiəsi üçün əhəmiyyətli təhlükə yarada bilər:

"Rusiya bu sistemi işə salsa, NATO nəzarəti çox çətin olacaq təhlükə ilə üzləşəcək".

Lakin heç də bütün ekspertlər "Burevestnik"in effektivliyinə əmin deyil. Bəziləri hesab edir ki, Rusiyanın nüvə qurğusu uğurla və stabil işləsə belə, bu raket Rusiyaya ciddi strateji üstünlük verə bilməyəcək.