Ana səhifə Planet |
Bu gündən OPEK-in baş katibi vəzifəsinə Nigeriya nümayəndəsi Məhəmməd Barkindo keçib.
Report xəbər verir ki, o, 2007-ci ildən bu vəzifədə olan liviyalı Abdulla Salem el-Badrini əvəzləyib.
M.Barkindo bu il iyunun 2-də OPEK-in 169-cu sessiyasında təşkilatın baş katibi vəzifəsinə seçilib.
M.Barkindo 1959-cu ildə Nigeriyada doğulub. O, 1986-ci ildə Nigeriyanın OPEK-dəki nümayəndə heyətinin tərkibinə qatılıb, 1993-2008-ci illərdə Nigeriyanın OPEK-də nümayəndəsi olub. M.Barkindo eyni zamanda, OPEK-in İqtisadi Komissiyasında çalışıb. O, 2006-2007-ci illərdə OPEK baş katibinin vəzifələrini icra edib.
OPEK-lə paralel olaraq, M.Barkindo 1993-cü ildən Nigeriya Milli Neft Koroprasiyasında (Nigerian National Petroleum Corporation) çalışıb və 2009-2010-cu illərdə bu şirkətə rəhbərlik edib.
Tarix
2016.08.01 / 17:01
|
Müəllif
Axar.az
|