ABŞ Dövlət Departamenti bütün Əfqanıstan pasportu sahiblərinə vizaların verilməsini dayandırıb.

Axar.az xəbər verir ki, bu barədə ABŞ Dövlət katibi Marko Rubio X hesabında bildirib.

"ABŞ üçün öz ölkəmizin və xalqımızın təhlükəsizliyini təmin etməkdən daha vacib bir məsələ yoxdur", - Rubio qeyd edib.

O, qərarın Prezident Donald Tramp administrasiyası tərəfindən milli təhlükəsizlik məqsədilə qəbul edildiyini vurğulayıb.

Xatırladaq ki, noyabrın 26-da Vaşinqton şəhərində, Ağ Ev yaxınlığında Milli Qvardiya hərbçilərinə qarşı silahlı hücum baş vermişdi. Hücum zamanı iki hərbçi həyatını itirib. Hərbçilərə atəş açan şəxsin Əfqanıstan vətəndaşı Rahmanulla Lakanval olduğu məlum olub.