Albaniyada sentyabrın 11-də dövlət satınalmaları naziri təyin edilən Diella (robot nazir) rüşvət almaqda şübhəli bilinərək saxlanılıb.

Axar.az xəbər verir ki, bu barədə "Nyusbar" məlumat yayıb.

“Süni intellekt nazirini dəstəkləmək üçün tenderlərin şəffaflığını və ədalətliliyini təmin edən digər dövlət qurumlarında neyron şəbəkələri tətbiq edəcək xüsusi bölmənin yaradılması planlaşdırılırdı. Korrupsiyaya və Mütəşəkkil Cinayətkarlığa qarşı Mübarizə üzrə Xüsusi Prokurorluq naziri rüşvət almaqda şübhəli bilindiyi üçün dekabrın 4-də vəzifəsindən uzaqlaşdırıb”, - məlumatda deyilib.

İstintaqın məlumatına görə, hər bir müqavilənin dəyərinin 10-15%-i naməlum hesablara göndərilib, bu da süni intellekt tərəfindən “standart əməliyyat protokolu” kimi şərh edilib:

“Neyroşəbəkə bu cür hərəkətləri zəruri hesab edib və onları cinayət kimi tanımayıb. Prokurorlar süni intellektin kriptovalyutadan serverlərin və proqram təminatının alınması da daxil olmaqla, öz təkmilləşdirmələri üçün istifadə etməyi planlaşdırdığını vurğulayıb.

Nazirin süni intellekt üzrə vəkili var, o da öz növbəsində müştərisinin hərəkətlərinə haqq qazandıran bəyanat hazırlayıb. Onun sözlərinə görə, süni intellekt nazirinin hərəkətləri korrupsiya yox, “stress testi” olub”.