Bəzi məqamlarda Avropanın Rusiya ilə danışıqlara başlaması düzgün olacaq.

Axar.az xəbər verir ki, bunu Almaniya xarici işlər naziri Yohann Vadeful bildirib.

“Bizim kursumuz aydındır: biz Ukraynanı dəstəkləyirik. Bununla belə, müəyyən məqamda Avropa səslərinin də Rusiya ilə koordinasiyalı şəkildə danışması doğru və məntiqli olacaq. Biz ümumilikdə buna hazırıq. Lakin almanlar olaraq biz bunu həmişə yalnız Avropa çərçivəsində razılaşdırılmış şəkildə edirik.

Amma zaman gələcək və biz danışıqlar aparmalı olacağıq, çünki yalnız ABŞ-ın və onların vasitəsilə gedən danışıqlar vəziyyətində daim qalmaq Avropa üçün o qədər də yaxşı hal deyil. Biz orada yoxuq”, – deyə Almaniyanın XİN rəhbəri vurğulayıb.