Rusiya Prezidenti Vladimir Putin həmkarı Nikolas Maduro ilə telefonla danışıb, Venesuela xalqına dəstəyini bildirib.

Axar.az xəbər verir ki, bunu rusiyalı politoloq Sergey Markov deyib.

“Bu, ABŞ Prezidenti Donald Trampın Maduro hakimiyyətinin sayılı günlərinin qaldığını elan etməsindən və Venesuela neft tankerinin ələ keçirilməsinə göstəriş verməsindən iki gün sonra baş verdi. Bunu Putinlə Tramp arasında birbaşa münaqişə hesab etmək olarmı? Əmin deyiləm. Ola bilərmi ki, həmrəylikdən danışdıqdan sonra Putin Trampın xahişi ilə müharibə təhlükəsini aradan qaldıracaq həssas məsələləri işgüzar şəkildə müzakirə edib? Bəlkə də. Yoxsa, Venesuelaya S-400 hava hücumundan müdafiə sistemlərinin tədarükü barədə müzakirə aparıblar? Ola bilsin ki, belədir”, - o bildirib.

Qeyd edək ki, ötən gün Rusiya Prezidenti Vladimir Putin venesuelalı həmkarı Nikolas Maduro ilə telefonla danışıb.