Yunanıstan qeydiyyatında olan neft tankerləri Rusiya limanlarında müşahidə edilib. Bu gəmilər Rusiyadan neft ixracına töhfə verir.

Axar.az xəbər verir ki, bu barədə Finlandiyanın “Yle” nəşri yazıb.

Qeyd olunur ki, Yunanıstanda qeydiyyatdan keçmiş “Velos Topas” gəmisi şənbə günü Rusiyanın ən mühüm neft limanlarından biri olan Ust-Luqa limanında olub:

“Marinetraffic” xidmətinin məlumatına görə, daha bir yunan tankeri – “İrini” hazırda Sankt-Peterburq sahilləri yaxınlığındadır.

Rusiya sanksiyalardan “kölgə donanması” vasitəsilə yayınır. Bu donanmanın gəmiləri AB-yə daxil olmayan ölkələrdə qeydiyyatdan keçib. Çox vaxt “kölgə donanması” gəmilərinin real sahibləri mürəkkəb şirkətlər zənciri arxasında gizlədilir. Lakin finlandiyalı dəniz mütəxəssislərinin təsdiqlədiyi kimi, hazırda Baltik dənizində olan neft tankerləri Yunanıstanda qeydiyyatdan keçib. Bu isə gəmilərin avtomatik olaraq Avropa sanksiyalarını pozduğu anlamına gəlmir. Çünki AB bayrağı altında Rusiya neftinin daşınmasına bir neçə şərt yerinə yetirildiyi halda icazə verilir. Birincisi, yunan tankerləri Rusiya neftini Avropa Birliyi ölkələrinə daşıya bilməz. İkincisi isə daşınan yükün qiyməti müəyyən edilmiş qiymət tavanından aşağı olmalıdır”.