İsrail Livandakı Hizbullah hərəkatının silahlı qanadının iki üzvünü öldürmək üçün dronlardan istifadə edib.

Axar.az xəbər verir ki, bu barədə "Aşarq əl-Əvsat" qəzetinin verdiyi məlumatda deyilir.

Bildirilib ki, dronlardan biri sərhəddəki Əl-Edeisa şəhərində pikapa zərbə endirib. Raket zərbəsindən sonra nəqliyyat vasitəsi alovlanıb və döyüşçü aldığı xəsarətlərdən hadisə yerində ölüb.

Başqa bir dron Beyrutdan 40 kilometr aralıda, Siblin və Cadra şəhərləri arasındakı cənub magistral yolunda hərəkət edən nəqliyyat vasitəsini hədəf alıb. Ölən komandirdən başqa, avtomobil yolunda baş verən partlayışda daha beş nəfər yaralanıb.