Rusiya Ukrayna ilə müharibədən sonra NATO ölkələrindən birinə hücuma cəhd edə bilər.

Axar.az xəbər verir ki, bunu Almaniya xarici işlər naziri Yohann Vadeful deyib.

“Ukraynaya dəstək birbaşa bütün Avropanın təhlükəsizliyi ilə bağlıdır. Ukrayna maraqlarını nə qədər tez qoruya və vəziyyəti sabitləşdirə bilsə, qitə bir o qədər təhlükəsiz olacaq”, - nazir bildirib.

Vadeful Rusiyanın NATO-ya hücum ehtimalını qiymətləndirməkdən imtina edib, lakin belə bir ssenariyə də hazırlığın vacibliyini vurğulayıb.

Almaniyalı nazir xəbərdarlıq edib ki, Rusiya ordusunun Ukraynadakı davamlı hərbi uğuru NATO üçün ciddi təhlükə yaradacaq.