2025-ci il Ukraynanın təhlükəsizliyinə beynəlxalq dəstək baxımından rekord il olub. Ukrayna 45 milyard dollardan çox yardım cəlb edə bilib ki, bu da genişmiqyaslı müharibənin başlanmasından bəri ən yüksək göstəricidir və əvvəlki illə müqayisədə təxminən 30 faiz çoxdur.

Axar.az xəbər verir ki, bu barədə Ukraynanın müdafiə naziri Denis Şmıqal məlumat verib.

“2025-ci ildə əsas dəstək sahələri - silah və sursat, hava və raket əleyhinə müdafiənin inkişafı, Ukrayna müdafiə sənayesi üçün birgə istehsal və satınalmalara investisiyalar, təlim, təmir, texniki dəstək və logistika olub. Müdafiə sənayesinin inkişafına 6 milyard dollardan çox vəsait ayrılıb”, - Şmıqal bildirib.