Venesuela Prezidenti Nikolas Maduro və həyat yoldaşının ABŞ hərbçiləri tərəfindən necə saxlanılmasına dair bəzi detallar məlum olub.

Axar.az Savashmedia.az-a istinadla xəbər verir ki, Venesuela Prezidenti Maduro və onun xanımı Cilia Flores rəsmi iqamətgahda yox, şəxsi malikanələrindən birində saxlanılıblar.

Mənbənin bildirdiyinə görə, Maduro və həyat yoldaşının paytaxt Karakasdan kənarda yerləşən həmin malikanəndə olmalarını az adam bilirmiş. Prezident və xanımı burada 1 gün qaldıqdan sonra yerlərini dəyişməyi planlaşdırıblarmış. Lakin ani hücum onların bu planını pozub.

Məlumata görə, saxlanılma anında Venesuela Prezidenti Nikolas Maduro ABŞ hərbçilərindən xanımını azad etmələrini xahiş edib, özünün isə könüllü şəkildə onlarla gələcəyini söyləyib. Lakin əməliyyatçılar onun bu xahişini yerinə yetirməyib.