Bir il ərzində ukraynalı hərbçi Oleq Şiryayevin rəhbərlik etdiyi 225-ci Əlahiddə Hücum Alayı Rusiyanın 30 batalyonunu məhv edib.

Axar.az xəbər verir ki, bu barədə Ukrayna mətbuatı məlumat yayıb.

Məlumata görə, bir il ərzində alay 14.946 rus hərbçisini məhv edib ki, bu da rusların 2025-ci ildə Ukraynada verdiyi canlı qüvvə itkisinin 3.5 faizinə bərabərdir.

Ukraynalı hərbi ekspert Kirill Sazonov bildirib ki, Ukrayna ordusunun bütün bölmələri eyni dərəcədə effektiv döyüşsəydi, hər il zərərsizləşdirilən rusların sayı 3,4 milyon nəfər olardı:

“225-ci alay təkcə çağırışçılara qarşı deyil, həm də elit xüsusi təyinatlılar, dəniz piyadaları, “Vaqner”in təcrübəli muzdlularına qarşı da döyüşüb”.