Türkiyə Prezidenti Rəcəb Tayyib Ərdoğan İrana ABŞ və İsrail tərəfindən dəstəklənən və ötən gecə ölkəyə soxulan kürd silahlı qruplarını zərərsizləşdirməyə kömək edib.

Axar.az Teleqraf-a istinadən xəbər verir ki, bu iddia ilə "İran Jurnalistinin Gündəliyi" Teleqram kanalı çıxış edib.

"Mənbələrə görə, Türkiyə İrana yaraqlıların hərəkətləri barədə kəşfiyyat məlumatları ötürüb. Bundan sonra SEPAH qüvvələri İlam və Kermanşah əyalətlərində əməliyyat keçirib və PJAK qruplaşmasının üzvlərinin əksəriyyətini məhv edib" - məlumatda qeyd olunur.

Telegram kanalı yazır ki, Türkiyə kəşfiyyatı yaraqlıların İraqdan gələn marşrutunu izləyib və İranla məlumat mübadiləsini əlaqələndirib. Bu da hücumun qarşısını tez bir zamanda almağa imkan verib.