Kiyevdə lazımı elektrik təchizatı resurslarının yalnız yarısı var və 2022-ci ilin fevral ayından bəri ən ağır enerji böhranı yaşanır.

Axar.az xəbər verir ki, bu sözləri şəhərin meri Vitali Kliçko “Röyters”ə açıqlamasında deyib.

O, infrastrukturun yükünü azaltmaq üçün sakinləri mümkün olduqda müvəqqəti olaraq şəhəri tərk etməyə çağırıb.

Kliçkonun sözlərinə görə, Kiyevin 3,6 milyon sakinini təmin etmək üçün təxminən 1700 meqavat elektrik enerjisinə ehtiyacı var. Şiddətli şaxtalar səbəbindən şəhərin əhəmiyyətli bir hissəsi istiliksiz qalıb, ciddi elektrik çatışmazlığı var və bəzi ərazilərdə gündə 18-20 saata qədər elektrik kəsintiləri baş verir.