Norveç şahzadəsinin böyük oğlu, təcavüz də daxil olmaqla, bir neçə ittihamla mühakimə olunacaq.

Axar.az xəbər verir ki, bu barədə “Assoşeyted Press” məlumat yayıb.

“Marius Borq Höybiyə qarşı CM-in 38 maddəsi ilə ittiham irəli sürülüb, bunların arasında təcavüz, keçmiş partnyorlarından birinə qarşı yaxın münasibətdə zorakılıq, digərinə qarşı zorakılıq hərəkətləri və 3,5 kilo (7,7 funt) marixuana daşınması da var. Digər ittihamlara ölüm təhdidləri və yol hərəkəti qaydalarının pozulması daxildir.

Prokurorlar bildiriblər ki, 29 yaşlı şəxs mart ayının ortalarına qədər davam etməsi gözlənilən məhkəmədə təqsirli bilinərsə, 10 ilə qədər həbs cəzası ilə üzləşə bilər”, - məlumatda bildirilib.