Türkiyənin xarici işlər naziri Hakan Fidan mənə dedi ki, Ankara Rusiya bazalarının Suriyadan çıxarılmasını dəstəkləyir.

Axar.az xəbər verir ki, bunu amerikalı konqresmen Co Uilson Helsinki Komissiyasının dinləmələrində deyib.

Uilsonun sözlərinə görə, Suriya xarici işlər naziri Əsəd əş-Şeybani onunla söhbətində vətəndaş müharibəsi zamanı Rusiyanın hava zərbələrindən əziyyət çəkən Suriya xalqının Dəməşqin Kremllə münasibətlərdə yenidən fəallaşmasına baxmayaraq, heç vaxt Moskvanın dostu olmayacağını vurğulayıb.

Konqresmen qeyd edib ki, ABŞ-ın maraqları naminə Türkiyənin Suriyanın şimalında hərbi mövcudluğunun artırılması təbii olaraq Rusiyanın təsirini məhdudlaşdırır və onu tamamilə uzaqlaşdırır.