Ukrayna Prezidenti Vladimir Zelenski prezident seçkilərinin keçirilməsi ideyasına açıqdır və qələbəyə əmindir.

Axar.az xəbər verir ki, bu barədə “Röyters” mənbələrinə istinadla məlumat yayıb.

Agentlik bildirib ki, müharibənin başlanğıcından bəri dəstəyi azalsa da, reytinqi hələ də 50%-dən yuxarı olan Zelenski qələbəyə əmindir.

Beş rəsminin sözlərinə görə, Əbu-Dabidə keçirilən danışıqlar zamanı Ukrayna və Amerika nümayəndə heyətləri seçkilərin və sülh müqaviləsi üzrə referendumun eyni vaxtda keçirilməsi imkanlarını müzakirə ediblər. İki mənbə Amerika tərəfinin tədbirlərin may ayında keçirilməsini təklif etdiyini dəqiqləşdirib.