İranın ABŞ hücumundan yayınmaq üçün yalnız bir yolu var: praktik olaraq Donald Trampın aralıq Konqres seçkilərində məğlubiyyətini təmin edəcək bir cavab verməyə hazır olmaq.

Axar.az xəbər verir ki, bunu rusiyalı hərbi analitik İqor Korotçenko deyib.

“Həmçinin Tehran İranın yüksək siyasi və hərbi rəhbərliyinin məhv edilməsinin qarşısını almağa, Hörmüz boğazını tamamilə bağlamağa, ABŞ-a zərər vurmaq istəyi və qabiliyyətinə hazır olmalıdır. Bu, yeganə yoldur. Ən əsası isə Maduronun səhvlərinin təkrarlanmamasıdır: ABŞ-a və Trampa qarşı ictimai hərəkətlər və sonsuz şifahi təhdidlər yalnız 47-ci ABŞ prezidentini təhrik edəcək. İranın daha az öyünməyə, daha soyuq, sərt diqqətə və bir sıra müvafiq hərbi tədbirin praktik tətbiqinə ehtiyacı var. Ən yüksək hərbi kəşfiyyat zabitlərinin yerinin məcburi gündəlik dəyişdirilməsi və eyni zamanda düşmənin texniki kəşfiyyat vasitələrinə qarşı dezinformasiya və əks-hücum tədbirləri kompleksinin həyata keçirilməsinə də ehtiyac var.

Trampın İran macərasının onun və Respublikaçılar Partiyasının gələcəyi üçün fəlakətli nəticələrə səbəb olacağını anlaması eskalasiya yolunda sürətlənən Amerika qatarının təcili əyləci olacaq”, - o bildirib.