Yaxın Şərqdə münaqişənin genişlənməsi fonunda Fransa Prezidenti Emmanuel Makron televiziya ilə xalqa müraciət edib.

Axar.az xəbər verir ki, Makron çıxışında təhlükəsizlik və müdafiə tədbirlərini açıqlayıb.

Makron münaqişənin qeyri-sabitlik gətirdiyini bildirib. Prezidentin sözlərinə görə, qaydalar sistemi dağılıb və Fransa öz maraqları əsasında silahlara nəzarət mexanizmlərinin yenidən qurulmasına çalışmalıdır.

Fransa prezidenti münaqişədən təsirlənən bir sıra ölkələrin liderləri, o cümlədən Livan, Qətər və BƏƏ rəhbərliyi ilə danışıqlar apardığını vurğulayıb. O deyib ki, Paris həm diplomatik kanalları açıq saxlamağa, həm də hərbi hazırlıq səviyyəsini artırmağa çalışır.