Rusiyanın Ukraynada aktiv hücum əməliyyatları aparmaq imkanları tükənir.

Axar.az xəbər verir ki, bunu Ukrayna ordusunun zabiti Andrey İlyenko “Kiyev 24” televiziya kanalında bildirib.

O, işğalçıların (Rusiya ordusu – red.) xeyli itki verdiyini deyib:

"Gec-tez onlar orduya qəbulla bağlı ciddi böhranla qarşılaşacaqlar. Və bu, artıq baş verir. Onlar üçün “top yemi”ni orduya cəlb etmək getdikcə çətinləşir. Hətta buna böyük vəsait ayırsalar belə... Və bu pul getdikcə azalır".

İlyenko həmçinin vurğulayıb ki, rus işğalçıları bütün cəbhə xəttində kifayət qədər qoşun toplaya bilmirlər:

"Bəzi ərazilərdə onların sayı artır, digərlərində isə azalır. Nəticədə, Ukrayna, "zəif nöqtələr"i ortaya çıxarmağa başlayır".