İŞİD sözçüsü Əbu Məhəmməd Adnani ilə bağlı Rusiya-ABŞ arasında yaranan anlaşılmazlıq Suriya danışıqlarına təsir etməyəcək.

Axar.az xəbər verir ki, bunu ABŞ Dövlət Departamentinin sözçüsü Con Kirbi deyib.

"ABŞ Dövlət katibi Con Kerri Rusiya Xarici İşlər naziri Sergey Lavrovla ötən həftə keçirdiyi görüşdə mövzu ilə bağlı səylərin artırılacağını qeyd etmişdi. Adnani ilə bağlı ölkələr arasında yaşanan anlaşılmazlıq isə Suriya danışıqlarına təsir etməyəcək", - Kirbi bildirib.

Qeyd edək ki, Rusiya Federasiyası İŞİD terror qruplaşmasının sözçüsü Əbu Məhəmməd Adnaninin öldürüldüyünü elan etsə də, ABŞ tərəfi bunu qətiyyətlə təkzib edib.