Ana səhifə Planet |
Azad Suriya Ordusunun (ASO) Türkiyənin dəstəyi ilə Cerablusu terrorçulardan təmizləməsindən sonra nəzərlər Əl-Bab bölgəsi üzərində cəmləşib. Menbic və Cerablusdan qovulan İŞİD terrorçuları hazırda Əl-Bab bölgəsinə toplanmaqdadır. Həm ASO, həm də YPG-nin tutmağa can atdığı sözügedən bölgə meydanda döyüşən üç düşmənin toqquşduğu ən kritik nöqtədir.
Axar.az xəbər verir ki, ASO komandirləri YPG-nin planlarını pozmaq üçün Əl-Babı almaqda israrlıdır.
Ayrıca Əl-Bab PYD-nin Türkiyə sərhədində elan etdiyi Cəzirə və Kobani bölgəsi ilə Hatay vilayətinin qarşısındakı Afrini birləşdirən strateji nöqtədir.
Əl-Babı Türkiyənin dəstək verdiyi qüvvələr ələ keçirsə, YPG-nin uzun illərdir arzuladığı kürd dəhlizi planı puça çıxacaq.
Türkiyə sərhədindən 30 kilometr məsafədə yerləşən bölgənin ASO nəzarətinə keçməsi Əsəd rejiminin nəzarətindəki Hələbdə müxaliflərin təzyiqini artıra bilər.
Tarix
2016.09.01 / 08:30
|
Müəllif
Hacı Qulu
|