ABŞ və İsrailin İrana qarşı müharibəsi zamanı Fars körfəzi ölkələri “Patriot” hava hücumundan müdafiə sistemləri üçün raket ehtiyatlarının böyük hissəsini istifadə edib.

Axar.az xəbər verir ki, bu barədə “Blumberq” məlumat yayıb.

“Söhbət döyüşlər başlamazdan əvvəl mövcud olan təxminən 2800 raketdən ən azı 2400 ədədinin (PAC-3 və GEM-T tipli raketlər) istifadə olunmasından gedir.

Beləliklə, qısa müddət ərzində hava hücumundan müdafiə arsenalının əhəmiyyətli hissəsi istifadə olunub. Bu isə raket hücumlarının intensivliyini və ələkeçirmə sistemlərinə düşən böyük yükü göstərir.

Rəsmi məlumatlara görə, İran 28 fevral - müharibənin başlanmasından bəri Fars körfəzi ölkələrinə təxminən 1200 ballistik raket və 4000-ə yaxın qanadlı raket buraxıb”, - məlumatda qeyd olunub.