İran aviasiyası və hava hücumundan müdafiə sistemləri öz səmalarını qoruya bilmədi.

Axar.az xəbər verir ki, bunu ukraynalı aviasiya üzrə ekspert Valeri Romanenko İranın hərbi imkanlarını müzakirə edərkən bildirib.

“İranın ölkəmizdən daha güclü hava hücumundan müdafiə sistemi var idi, lakin səmasını qoruya bilmədi. Bu arada, 2022-ci ildə köhnə Sovet hava hücumundan müdafiə sistemlərimizlə, məsələn, may ayının əvvəlindən başlayaraq, Rusiya təyyarələrinin qoşunlarımızın nəzarətində olan əraziyə uçmasının qarşısını alırdıq”, - deyə o qeyd edib.

Romanenko vurğulayıb ki, Ukrayna müharibəsi ilə Fars körfəzindəki münaqişə arasında fundamental fərq var:

"Oradakı müharibənin təbiəti elədir ki, amerikalılar və israillilər istədikləri yerə uçur və istənilən hündürlükdən istədikləri hədəfləri vururlar".