İran və ABŞ arasında potensial sülh razılaşmasının ilk mərhələsi tərəflərin münaqişə başlamazdan əvvəlki status-kvoya qayıtması ola bilər.

Axar.az xəbər verir ki, bu barədə CNN mənbəyə istinadla məlumat yayıb.

“Tərəflər arasında danışıqların ikinci mərhələsi hələ baş tutmasa da, mövqeləri göründüyü qədər fərqli deyil. Münaqişənin mərhələli şəkildə həllinə yönəlmiş intensiv pərdəarxası diplomatik işlər davam edir və bunun ilk hissəsi Hörmüz boğazından sərbəst keçidin bərpası, münaqişədən əvvəlki mövqelərə qayıtmaq ola bilər. İranın nüvə proqramı məsələsi daha sonra müzakirə mövzusu olacaq. Vasitəçilər hər iki tərəfə razılığa gəlmək üçün təzyiq göstərir. Növbəti bir neçə gün danışıqlar prosesi üçün həlledici ola bilər”, - mənbə bildirib.