Şimali Koreya lideri Kim Çen İn Rusiya Prezidenti Vladimir Putini Qələbə Günü münasibətilə təbrik edib.

Axar.az xəbər verir ki, bu barədə Koreya Mərkəzi Xəbər Agentliyi məlumat yayıb.

“İcazə verin, misilsiz cəsarət və yüksək vətənpərvərliklə faşizmi darmadağın edən və bəşəriyyətin azadlığı naminə Yer üzündə sülhü və təhlükəsizliyi qoruyan əvvəlki nəslin veteranlarına dərin hörmətimi bildirim”, - təbrikdə bildirilib.

KXDR lideri həmçinin ölkəsinin “iki dövlət arasında müttəfiq xarakterli hərtərəfli strateji tərəfdaşlığa böyük əhəmiyyət verdiyini” vurğulayıb:

“KXDR hökumətinin mövqeyini bir daha təsdiqləyirəm. Ölkələrimiz arasında strateji tərəfdaşlığa son dərəcə əhəmiyyət verməyə, onu davamlı olaraq möhkəmləndirməyə və inkişaf etdirməyə hazırıq. Sizi bir daha əmin edirəm ki, KXDR ilə Rusiya Federasiyası arasında bağlanmış müqavilə öhdəliklərini yerinə yetirmək üçün həmişə məsuliyyət daşıyacağıq".