11 mayda Ermənistanın müdafiə naziri Suren Papikyan parad məşqindən video yayımlayıb. Videoda Fransanın ən azı iki “Sezar” özüyeriyən haubitsası görünür. Bu, “Sezar”ın Ermənistana çatdırılmasının ilk rəsmi təsdiqidir.

Axar.az xəbər verir ki, bu barədə Teleqram kanallarında məlumat yayılıb.

6 may 2026-cı ildə Ermənistan və Fransa arasında müdafiə sektorunda uzunmüddətli sənaye əməkdaşlığı da daxil olmaqla, strateji müdafiə tərəfdaşlığı haqqında birgə bəyannamə imzalanıb. Ermənistana altı “Airbus Helikopters H145” çoxməqsədli helikopterinin tədarükü üçün müqavilə təsdiqlənib. Fransanın müdafiə naziri fransız təlimatçıların Ermənistan hərbi personalının təlimində iştirak etdiyini vurğulayıb.

“Ermənistan sadəcə Qərbdən silah almır. O, standartlar, təlim və logistika vasitəsilə Qərb hərbi arxitekturasının bir hissəsinə çevrilir”, - məlumatda bildirilib.

Qeyd edək ki, Ermənistan 28 mayda hərbi parad keçirməyə hazırlaşır.