Ukrayna Təhlükəsizlik Xidməti (UTX) Silahlı Qüvvələrlə birlikdə Moskva bölgəsindəki hərbi-sənaye kompleksinə və bir neçə neft obyektinə, eləcə də Krımdakı Belbek hərbi aerodromuna zərbələr endirib.

Axar.az xəbər verir ki, bu barədə UTX-dən məlumat verilib.

Məlumata görə, Moskva vilayətində Rusiya hərbi-sənaye kompleksi üçün yarımkeçiricilər təchizatçısı “Anqstrem” zavodu, Moskva neft emalı zavodu, “Solneçnoqorskaya” və “Volodarskaya” neft nasos stansiyaları vurulub.

Bundan başqa, Krımdakı Belbek hərbi aerodromuna zərbələr zamanı “Pantsir-S-2” zenit-raket kompleksi, S-400 kompleksinin radarının da olduğu anqar, “Orion” PUA-sının idarəetmə sistemi və “Forpost” PUA-sının yerüstü idarəetmə stansiyası, “yer-hava” məlumat ötürmə məntəqəsi, dispetçer qülləsi və aerodromun anqarı məhv edilib.

Qeyd edək ki, mayın 17-də Ukrayna ordusu Moskva şəhəri və Moskva vilayətinə kütləvi PUA hücumu edib.