İraq Kürd Regional Rəhbərliyinin (İKBY) başçısı Məsud Bərzaninin Kürdüstan Demokrat Partiyasından hökumətdə təmsil olunan Maliyyə naziri Hoşyar Zebari vəzifəsindən uzaqlaşdırılıb.

Axar.az Anadolu agentliyinə istinadən xəbər verir ki, korrupsiyada ittiham olunan nazir İraq parlamentində keçirilən səsvermə zamanı vəzifəsindən kənarlaşdırılıb.

249 millət vəkilinin qatıldığı səsvermədə 158 deputat nazirin əleyhinə səs verib.

Xatırladaq ki, parlament 25 avqustda Müdafiə naziri Xalid Ubeydini də bənzər ittihamla vəzifədən uzaqlaşdırmışdı.