Moskvanın metropolitenindəki "Sokolniki" stansiyasında qatarlardan birində tüstülənmə baş verib.

Axar.az xəbər verir ki, bu barədə "112" Teleqram kanalı məlumat yayıb.

Hadisə yerinə dərhal təcili yardım xidmətləri göndərilib və sərnişinlər ilkin olaraq qatardan təxliyə ediliblər.

Metropolitendən verilən məlumata görə, mütəxəssislər artıq nasazlığın aradan qaldırılması istiqamətində iş aparırlar və sərnişinlər üçün heç bir təhlükə yoxdur. Qatarın yoxlanılması müddətində qatarların hərəkət intervalları artırılıb, lakin zəruri işlər başa çatdıqdan sonra hərəkətin normal rejimə qayıdacağı gözlənilir.