ABŞ Prezidenti Donald Tramp Çin sədri Si Szinpindən Ukraynadakı müharibəyə son qoymaq üçün Rusiya Prezidenti Vladimir Putinə təzyiq göstərməsini şəxsən xahiş edib.

Axar.az xəbər verir ki, bu barədə “South China Morning Post” qəzeti mənbələrə istinadən məlumat yayıb.

Bildirilib ki, may ayında Pekində keçirilən görüşdə Tramp şəxsən Çin liderini Pekinin Moskvaya təsirindən istifadə etməklə Ukraynadakı müharibəyə son qoymağa kömək etməyə çağırıb.

Nəşrin məlumatına görə, Tramp Szinpinə Rusiya-Ukrayna danışıqlarının dalana dirəndiyini bildirib və Putini Zelenski ilə danışıqlar masasına oturtmağa yardım istəyib.

Qeyd edək ki, Tramp 13-15 may tarixlərində Çində səfərdə idi.