İranın əsas prioritetlərindən biri birlik və həmrəyliyin qorunmasıdır.

Axar.az xəbər verir ki, bunu İranın ali lideri Müctəba Xamenei İran İslam İnqilabının lideri Ayətullah Ruhullah Xomeyninin vəfatının 37-ci ildönümü münasibətilə yayımladığı müraciətində bildirib.

“Düşmənin məqsədi İran cəmiyyətində təzyiq, parçalanma və yanlış hesablamalar yaratmaqdır. Son qarşıdurmalarda qarşı tərəf həm İran Silahlı Qüvvələri, həm də əhali qarşısında uğursuzluğa düçar olub. Şübhə, ümidsizlik, qorxu və nifaq toxumu səpmək əsas təsir vasitələri kimi istifadə olunur. Cəmiyyətdə ümidsizlik yaradan istənilən addım ölkənin düşmənlərinin maraqlarına xidmət edir”, - Xamenei qeyd edib.