Aİİ Ermənistana qarşı tədbirlər görməyə çalışmasa da, hərbi-siyasi birliyə çevrilmiş AB-yə qoşulmaq istəkləri narahatlıq doğurur.

Axar.az xəbər verir ki, bunu Rusiya Baş nazirinin müavini Aleksey Overçuk deyib.

“Aİİ-də heç kim Ermənistana qarşı hər hansı konkret tədbir görmək istəmir. Ermənistan Aİİ-in üzvüdür. İrəvan Aİİ çərçivəsində bütün öhdəliklərini vicdanla yerinə yetirir. Bunu tam məsuliyyətlə deyə bilərəm, çünki biz Ermənistanın Aİİ çərçivəsində götürdüyü öhdəliklərdən yayınmalarını yoxlamaq üçün bütün hüquqi çərçivəsini izləyirik. Və biz belə yayınmalara rast gəlmirik. Ermənistan Avropa standartlarına keçid etmək istədiyini bəyan edir. Amma deyim ki, bütün Avropa standartları pis deyil. Orada çoxlu yaxşı şeylər var idi və indi də var. Bizi narahat edən nədir? AB bu gün hamımızın yaxşı tanıdığı və bir çox yaxşı, cəlbedici işlər görüldüyü iqtisadi inteqrasiya birliyindən ciddi şəkildə uzaqlaşıb. O, bu gün ölkəmizə qarşı düşmənçilik edən hərbi-siyasi birliyə çevrilib. Və burada suallarımız yaranır. Ermənistan hara gedir? Nəticələri nədir? Niyə bu hərəkatı dəstəkləməliyik?”, - o bildirib.