İsrail əsgərlərimizə və ya ərazimizə edilən hücumlara dözməyəcək və bu cür hücumlara görə Hizbullahdan çox ağır bir bədəl tələb edəcək.

Axar.az xəbər verir ki, bunu İsrail Baş naziri Benyamin Netanyahu deyib.

“ÇAXAL qüvvələrimizə və ərazimizə qarşı hər hansı bir təhdidin qarşısını almaq üçün hərəkətə keçəcək.

Dünən də daxil olmaqla, birmənalı şəkildə qeyd etdiyim kimi ordu şimali İsrail icmalarını qorumaq üçün lazım olduğu qədər cənubi Livandakı təhlükəsizlik zonasında qalacaq”, - o bildirib.

Qeyd edək ki, Hizbullahın hücumu nəticəsində Livanın cənubunda biri batalyon komandiri olmaqla, İsrailin 4 əsgəri həlak olub.