Ermənistanda hakimiyyət Serj Sərkisyandan Robert Köçəryana keçəcək.

Axar.az xəbər verir ki, bunu hazırda həbsdə olan Ermənistan prezidentliyinə eks-namizəd Andrias Qukasyan öz vəkilləri vasitəsilə yaydığı bəyanatda söyləyib.

Onun sözlərinə görə, Aleksandr Arutyunyanın Prezident Aparatı sədrinin müavini təyin edilməsi ölkədə baş verən bütün dəyişikliklərin sadəcə gözdən pərdə asmaq xətrinə edildiyini göstərir:

"Bununla Sərkisyanın yerinə Köçəryanın gətirilməsi prosesi aparılır. Erməni kriminal oliqarxiyası əldə etdiyi qənimətlərin xilası üçün yollar axtarır".

Qeyd edək ki, Andrias Qukasyan 2016-ci ilin iyununda həbs edilib. O, kütləvi iğtişaşların təşkilində günahlandırılır.