Bilirəm ki, Ermənistan hələ də Rusiya tərəfindən ciddi iqtisadi təzyiqlə üzləşir.

Axar.az xəbər verir ki, bunu İrəvanda səfərdə olan Avropa Komissiyasının prezidenti Ursula fon der Leyen Ermənistan Baş naziri Nikol Paşinyanla görüşündə deyib.

“Amma əmin olun, tərəfdaşlarımıza təzyiq göstərildikdə, Avropa Birliyi həmişə irəliyə doğru addımlar atır. Və bu gün iki tədbir barədə elan etmək istəyirəm.

Birincisi, siz tezliklə ticarətinizi gücləndirmək və şaxələndirmək üçün əlavə 18 milyon avro alacaqsınız. Bu maliyyələşdirmə Ermənistan bizneslərinin ixrac potensialını artırmaq üçün İxracın Təşviqi Agentliyinin yaradılmasına kömək edə bilər. Bu 18 milyon avro iyunun əvvəlində telefon danışığımız zamanı müzakirə etdiyimiz 52 milyon avroluq yardım paketinin son hissəsidir.

İkincisi, biz irəliyə doğru daha bir addım atdıq. Biz muxtar ticarət tədbirlərinin tətbiqini təklif edirik. Bu o deməkdir ki, bu tədbirlər Ermənistanın Avropa Birliyinə ixracının təxminən 80%-ni liberallaşdıracaq. Beləliklə, bizimlə ticarətinizin 80%-i artıq tarifsiz olacaq”, - Leyen bildirib.