Rusiya hökumətinin qərarı ilə həbs edilən Krım-Tatar Məclisinin spiker müavini Ahtem Çiygözün cəza müddəti 8 yanvar 2017-ci il tarixinə qədər uzadılıb.

Axar.az xəbər verir ki, bu barədə onun vəkili Nikoliy Polozov "112 Ukrayna" televiziyasına açıqlamasında deyib.

"Çiygözün həbsdə saxlanılması üçün heç bir səbəb yoxdur. Yanvar ayında onun həbsinin 2 ili tamam olacaq. Bütün bunlar onun siyasi fəaliyyət yürütməməsi üçün edilir. Rusiya hökuməti ondan qorxur və hər kəsdən təcrid etmək istəyir. Məhkəmələri belə onsuz keçirilir", - Polozov bildirib.

Xatırladaq ki, Ahtem Çiygöz hökumət əleyhinə təxribat törətməkdə günahlandırılaraq 2014-cü ilin yanvarın 26-da saxlanılmış və təxminən 1 ay sonra barəsində həbs qərarı verilmişdi.