Macarıstan Avropa Birliyinin miqrasiya siyasətindən narazıdır.

Axar.az xəbər verir ki, bu iddia ilə Voll Strit Jurnal çıxış edib. Məqalədə bildirilir ki, oktyabrın 2-də Macarıstanda qaçqınların qəbulu üçün kvotalar haqqında referendum keçiriləcək. Macarıstan xalqı Avropa Birliyinin qaçqınları qəbul etmək istəməyən ölkələrin AB kvotalarına əməl etməli olub-olmadığını müəyyən edəcək:

"Macarıstanda keçirilən ictimai rəy sorğularının nəticələrinə görə, vətəndaşlar qaçqınların köçürülməsi üzrə planının əleyhinə çıxacaq.

Macarıstanın Baş naziri Viktor Orban AB kvotalarının qəti əleyhinə köklənib və təkid edir ki, bu kvotalar milli hökumətlərin razılığı ilə müəyyənləşdirilməlidir.

Bir çox Mərkəzi və Şərqi Avropa vətəndaşları Orban ilə həmrəydir".