Belarusun Rusiyadan aldığı qaza görə borcu 270-300 milyon dollardır.

Axar.az xəbər verir ki, bunu "Exo Moskva" radiosuna müsahibəsində Rusiyanın Energetika naziri Aleksandr Novak söyləyib.

Onun sözlərinə görə, 2025-ci ilə qədər Belarusla Rusiya arasında vahid neft və qaz bazarı yaradılacaq.

Qeyd edək ki, son günlər Belarusla Rusiya arasında münasibətlər gərginləşib. Moskva Belarusun ondan aldığı qaza görə borcunun olduğunu desə də, rəsmi Minsk bunu qəbul etmir. Rusiya buna görə Belarusa ixrac etdiyi neft məhsullarının həcmini azaldıb. Belarus Prezidenti Aleksandr Lukaşenko isə Kremlin bu addımını şantaj adlandırıb.