ABŞ bir tərəfdən Kiyevə silah tədarükünü davam etdirir, digər tərəfdən isə sülh prosesinə keçidi dəstəkləmək istəyini saxlayır.

Axar.az xəbər verir ki, bunu Rusiya prezidentinin mətbuat katibi Dmitri Peskov deyib.

“Moskva NATO ölkələrinin, o cümlədən ABŞ-ın Ukraynaya silah və texnologiya tədarükünü davam etdirdiyindən xəbərdardır. Rusiya “çəhrayı eynək taxmır” və vəziyyəti obyektiv şəkildə qiymətləndirir. ABŞ-ın mövqeyində də müəyyən ikilik var. Lakin ABŞ, avropalılardan fərqli olaraq, Ukrayna münaqişəsinin sülh yolu ilə həlli prosesini asanlaşdırmaq istəyini qoruyub saxlayır. Bəzən səhv etsələr belə, bu istək bizə səmimi görünür və biz bunu alqışlayırıq”, - o bildirib.