Milanda güclü partlayış baş verib.

Axar.az xəbər verir ki, hadisə yaşayış binasının birinci mərtəbəsində yerləşən barda baş verib. Partlayışın ardınca yanğın yaranıb. Nəticədə 2 nəfər yaralanıb.

Partlayışdan sonra yaranan yanğın binadakı mənzillərə də keçib. Sakinlər təcili təxliyyə edilib. Bununla belə 10 sakin yüngül yanıq və tüstüdən zəhərlənmə diaqnozu ilə xəstəxanaya yerləşdirilib.

Hazırda hadisə yerində polis və yanğınsöndürənlər briqadası çalışır, partlayışın ilkin səbəbi olaraq təbii qaz sızması ehtimal edilir.