ABŞ-ın planı Hörmüz boğazı, Xark adası, Qeşm adası və İranın cənub sahilindəki üç əyalət üzərində tam nəzarəti ələ keçirməkdir.

Axar.az xəbər verir ki, bu sözləri iranlı ekspert Ruhullah Modabber TASS-a bildirib.

Ekspert qeyd edib ki, İranın ali lideri Müctəba Xameneinin açıqlamaları gedişatdan narazı olduğunu açıq şəkildə göstərir:

“İran nümayəndə heyəti ilə ABŞ arasında danışıqların yeni mərhələsinin heç bir aydın perspektivi yoxdur. Fikir ayrılıqları çox yüksək səviyyəyə çatıb. ABŞ İrana heç bir güzəşt etməyib. Görünür, etmək niyyəti də yoxdur”.

Onun fikrincə, qarşıdan gələn danışıqlar əvvəlki mərhələdə olduğu kimi, uğursuzluqla nəticələnəcək.