Avropa və ABŞ-da rekord istilər hələ ilkin mərhələdir. Alimlər və analitiklər Asiyada quraqlıq və “Super El Nino” səbəbindən qlobal ərzaq qiymətlərinin kəskin artması barədə xəbərdarlıq edirlər.

Axar.az xəbər verir ki, bu barədə “Quardian”ın məqaləsində bildirilib.

Qeyd edilib ki, Sakit okeanda suyun temperaturunun yüksəlməsinə səbəb olan “El Nino” iqlim fenomeninin xüsusən də Asiya və Cənubi Amerikada çox ciddi kataklizmlərə çevrilmək üçün misli görünməmiş bir imkanı var: bəzi bölgələrdə şiddətli daşqınlar, digərlərində isə istilik və quraqlıq.

Əsas beynəlxalq banklardakı analitiklər “El Nino”nun qlobal ərzaq qiymətlərində 15,8% artıma səbəb ola biləcəyini qeyd edirlər. Düyü, palma yağı, şəkər və qəhvə qiymətləri 100% arta bilər.

“El Nino” səbəbindən qlobal fəlakətlər qlobal kənd təsərrüfatı istehsalında 14,3% azalmaya səbəb ola bilər. Bu, 342 milyard dollar itkiyə bərabərdir.

Hindistan artıq quraqlıq yaşayır ki, bu da məhsuldarlığa birbaşa təsir göstərir və qlobal tədarükə təsir edə bilər.

Həm ABŞ, həm də Avropa hazırda istilik dalğalarından əziyyət çəkir. Məsələn, Fransada anomal istilər səbəbindən üç nüvə reaktoru dayandırılıb və daha səkkizinin gücü azaldılıb.