Almaniyanın Türkiyədəki səfirliyi millət vəkillərinin İncirlik hərbi bazasına səfər edəcəyini açıqlayıb.

Axar.az xəbər verir ki, 6 deputatın iştirakı ilə gözlənilən səfər çərşənbə günü baş tutacaq.

Xatırladaq ki, rəsmi Ankara bu ilin iyununda Almaniya müdafiə nazirinin müavininin rəhbərlik etdiyi deputatlardan ibarət nümayəndə heyətinin İncirlik hava bazasına baş çəkməsinə razılıq verməyib. Türkiyə hökuməti Almaniya Müdafiə Nazirliyində akkreditasiyadan keçən almaniyalı jurnalistlərin də hava bazasına girişinə qadağa qoyub.

Türkiyə tərəfinin bu addımının səbəbi iyunun 2-də Almaniya parlamentinin qondarma erməni soyqırımı ilə bağlı qətnamə qəbul etməsi ilə izah olunur.