Suriya ilə bağlı öhdəliklərini yerinə yetirə bilməyən ABŞ günahı Rusiyanın üzərinə yıxmağa çalışır.

Axar.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova rəsmi Vaşinqtonun Suriya bağlı əməkdaşlığı dayandırmaq barədə qərarına münasibət bildirərkən deyib.

"ABŞ Hələb sakinlərinin həyati durumunu müəyyən qədər yaxşılaşdırmaq üçün razılaşmanın kilit şərtini yerinə yetirmədi. İndi də özlərinin hazırladığı bu konsepsiyada uğursuz olduqları üçün məsuliyyəti başqalarının üzərinə atmağa çalışırlar. Ağ Ev suriyalı müxalifləri terrorçulardan ayırmağı bacarmadı", -Zaxarova bildirib.

Qeyd edək ki, ABŞ hökuməti Suriya konfliktinə görə Rusiya ilə yürüdülən ikitərəfli əlaqələri dayandırıb.