Breksit Avropada antisemitizm dalğasını gücləndirəcək.

Axar.az xəbər verir ki, bunu Avroparlamentdə çıxışı zamanı Avropa Ravvinlər Şurasının sədri Pinxas Qoldşmidt söyləyib. Onun sözlərinə görə, bu, yəhudilərin Avropadan axınını artıracaq.

"Britaniyanın Avropa Birliyindən çıxmasından sonra qitəyə iki təhdid yarana bilər. Bunlar radikal islamçılar və radikal millətçilərdir. Yəhudilər bununla da bir-birinə doğru yüksək sürətlə gələn iki qatarın arasında qalacaqlar. Hər iki qatar bizim üçün təhdiddir və onların qarşısını almaq lazımdır. Artıq Avropadakı yəhudilərin 22%-i yəhudi tədbirlərində iştirak etməkdən çəkinir. Fransadakı yəhudilərin 40%-i açıq-aşkar dini simvolları daşımaqdan qorxur. Eyni göstərici Belçikda da təkrarlanır".